Një tërmet me magnitudë 7,1 godet Japoninë

Një tërmet i fuqishëm me magnitudë 7.1 ka goditur Japoninë jugore, por pa dëme të mëdha dhe vetëm disa valë të vogla cunami në breg.

Tërmeti goditi në orën 4:42 pasdite pranë Kyushu në një thellësi prej 25 km, tha Agjencia Meteorologjike e Japonisë (JMA).

Mediat lokale kanë publikuar pamjet e tërmetit dhe objekteve që dridheshin në Miyazaki në bregun juglindor të Kyushu. Tre persona u lënduan në Miyazaki, por nuk dihet asgjë për shkallën e lëndimeve të tyre.

Qendra e Paralajmërimit të Cunamit të Paqësorit lëshoi ​​një paralajmërim që tha se valët e rrezikshme të cunamit ishin të mundshme brenda 300 km nga epiqendra.