Tjetër arritje e qeverisë digjitale pas librave falas : Rama, njoftim me rëndësi për kartelën e vaksinimit për fëmijët

Në një postim në rrjetet sociale, kryeministri Edi Rama ka njoftuar se në prag të fillimit të vitit shkollor, prindërit nuk e kanë të nevojshme të paraqiten në Qendrën Shëndetësore për të marrë kartelën e vaksinimit për fëmijët deri në 7 vjeç.

Sipas tij, i njëjti format mund të aksesohet elektronikisht në e-Albania edhe nga çerdhja, kopshti apo shkolla ku është i regjistruar fëmija.

“Një tjetër shërbim i rëndësishëm për qytetarët tashmë i aksesueshëm përmes e-Albania. Në prag të fillimit të vitit shkollor, për të gjithë prindërit nuk është më e nevojshme të paraqiten në Qendrën Shëndetësore për të marrë kartelën e vaksinimit për fëmijët deri në 7 vjeç. I njëjti format mund të aksesohet elektronikisht edhe nga çerdhja, kopshti apo shkolla ku është i regjistruar fëmija”, njofton Rama.