Papa Françesku u kërkon katolikëve të zgjedhin të keqen më të vogël mes Trump dhe Harris

Papa Françesku teksa komentoi dy kandidatët presidencialë amerikanë, këshilloi votuesit katolikë të zgjedhin “të keqen më të vogël” kur të votojnë në zgjedhjet e nëntorit.

Papa tha se mos mirëpritja e emigrantëve, duke iu referuar Trump, është një mëkat “i rëndë” dhe e krahasoi qëndrimin e Kamala Harris për abortin me një “vrasje”.

“Të dy janë kundër jetës, qoftë ai që dëbon emigrantët, qoftë ai që vret foshnjat”, tha Papa në komentin e rrallë politik në një konferencë shtypi të premten teksa përfundoi një turne 12-ditor nëpër Azinë Juglindore.

Papa nuk iu referua me emër Harris apo Trump në komentet e tij. Katolikët amerikanë përbëjnë 52 milionë nga 1.4 miliardë katolikë në mbarë botën.

Papa Françeskut iu kërkua të konsullonte votuesit katolikë gjatë konferencës për shtyp dhe vuri në dukje në fjalët e tij se nuk ishte amerikan dhe nuk do të votonte në zgjedhje.

Por ai inkurajoi amerikanët të votojnë. “Të mos votohet është e shëmtuar. Nuk është mirë. Duhet të votoni,” tha ai.

“Ju duhet të zgjidhni të keqen më të vogël. Kush është e keqja më e vogël? Ajo zonja apo ai zotëri? Nuk e di. Të gjithë, në ndërgjegje, (duhet) të mendojnë dhe ta bëjnë këtë.”