Petrit Vasili tregon si filloi dhuna në Kuvend dhe kush e nxiti

Kryetari i grupit parlamentar të Lëvizjes Socialiste për Integrim, Petrit Vasili, i ftuar në studion e televizionit News24, ka shpërthyer në sulme ndaj kryetari të Kuvendit Gramoz Ruçi, kryeministrit Edi Rama dhe Policisë së Shtetit.

Teksa komentoi zhvillimet e fundit politike, ku krahas protestës popullore jashtë Kuvendit, u protestua edhe nga opozita në ambientet e brendshme të Parlamentit, Vasili akuzoi Ramën dhe Ruçin si shkaktar të asaj ngjarje. Ai u shpreh se ka qenë Gramoz Ruçi ai që ka provokuar tensionet në sallën parlamentare. Po ashtu ai tha se ndaj Gramoz Ruçit, Partia Demokratike ka ngritur një kallëzim penal.

Në vijim e ka quajtur Policinë e Shtetit në “mender polici”, që sulmon dhe dhunon jo vetëm qytetarët por edhe deputetët që kërkojnë të ruajnë rendin kushtetues.