Në prag të zgjedhjeve të 11 majit 2025, qeveria shqiptare ka miratuar një vendim që parashikon hapjen e 1,186 pozita të lira pune në administratën shtetërore për vitin 2025. Këto pozita ndahen në: 5 për Trupën e Nëpunësve Civilë të Nivelit të Lartë Drejtues, 93 për kategorinë e mesme drejtuese, 283 për kategorinë e ulët drejtuese dhe 805 për kategorinë ekzekutive. Ky vendim hyn në fuqi pas botimit në “Fletoren Zyrtare”.
Kjo praktikë e rritjes së numrit të punonjësve në administratën publike pak muaj para zgjedhjeve është një fenomen i njohur në Shqipëri. Në shumë raste, këto punësime janë interpretuar si një tentativë për të siguruar mbështetje elektorale dhe për të forcuar pozitat e qeverisë në prag të zgjedhjeve.
Vendimi i fundit i qeverisë për të hapur këto pozita të lira ngre shqetësime të ligjshmërisë dhe transparencës në procesin e punësimeve. Në një periudhë kaq të ngjeshur kohore, është e vështirë të garantohet një proces rekrutimi tërësisht të drejtë dhe të paanshëm. Për më tepër, mungesa e një analize të detajuar të nevojave reale të administratës shtetërore dhe e një strategjie afatgjatë për zhvillimin e saj, lë hapësirë për dyshime mbi motivet e vërteta të këtyre punësimeve.
Për të siguruar një administratë publike të aftë dhe të besueshme, është e domosdoshme që proceset e punësimeve të jenë të bazuara në kritere të qarta dhe objektive, të mbështetura nga një analizë të thelluar të nevojave të institucioneve dhe të zhvillimit të qëndrueshëm të administratës shtetërore. Vetëm në këtë mënyrë mund të shmangen praktikat e punësimeve elektorale dhe të sigurohet një shërbim civil efikas dhe të paanshëm.
