Ish-presidenti për 61-vjetorin e Michelle: Jam me fat që ndërmarr aventurat e jetës me ty

Bashkëshortja e ish-presidentit të Shteteve të Bashkuara të Amerikës, Barack Obama, Michelle Obama ka festuar ditëlindjen e saj të 61-të.

Nëpërmjet një postimi në platformën “X”, Obama krahas një fotoje me Michelle ka shkruar disa rreshta të ndjerë për partneren e tij.

“Gëzuar ditëlindjen dashurisë së jetës sime. Ti e mbush çdo dhomë me ngrohtësi, mençuri, humor dhe hir dhe dukesh mirë duke e bërë këtë. Unë jam shumë me fat që mund të ndërmarr aventurat e jetës me ty. Të dua”, shkruan ish-presidenti.

Ish-zonja e parë dhe Barack Obama, janë të martuar që nga viti 1992 dhe janë prindër të dy vajzave Sasha, 23, dhe Malia, 26 vjeç.