Orban flet për sanksionet e SHBA, hakmarrje e vogël e ambasadorit në largim! Do e flakim Sorosin nga Europa

Kryeministri i Hungarisë, Viktor Orban, komentoi sanksionet e vendosura nga SHBA ndaj ministrit të tij, Antal Rogan.

Gjatë një intervistë radiofonike, Orban tha se këto sanksione ishin hakmarrja e vogël e fundit e ambasadorit amerikan në largim.

“(Rogan) është ministri përgjegjës për shërbimet e sigurisë kombëtare, kujdestari numër një i sovranitetit kombëtar hungarez, dhe nëse ai ndëshkohet nga një fuqi e madhe, kjo do të thotë se ai po e bën mirë punën e tij, kështu që kjo është pika jonë e fillimit,” tha Orban.

Një mbështetës prej kohësh i presidentit të zgjedhur, Donald Trump, Orban shprehu optimizëm për një “epokë të artë” në marrëdhëniet SHBA-Hungari nën udhëheqjen e Trump.

Orban u zotua të intensifikojë përpjekjet për të luftuar ato që ai i përshkroi si “rrjete të huaja” që minojnë sovranitetin e Hungarisë.

Orban përsëriti kritikën e tij ndaj financierit amerikan me origjinë hungareze George Soros.

“Është koha që ne të eliminojmë rrjetet e huaja, që përbëjnë një kërcënim për sovranitetin kombëtar hungarez, dhe t’i dërgojmë ato në shtëpi,” thuhet se tha ai. “Hungaria ka të ngjarë të jetë vendi i parë (në Evropë) që do të flakë perandorinë e Sorosit, ky është qëllimi im definitiv për këtë vit.”