GJKKO ka lënë në burg shefin e Policisë Rrugore Roven Zeka dhe zyrtarin e Policisë Sokol Novaku si dhe efektivin Edison Tabaku.
Më herët SPAK-u ka sqaruar se si është zbuluar rasti i korrupsionit ku janë përfshirë tre zyrtarët e policisë, ku në një aksident të ndodhur disa ditë më parë, zyrtarët u kanë kërkuar para familjarëve të njërit prej personave të përfshirë në aksident.
Më konkretisht, kanë kërkuar 2 mijë euro për të mos arrestuar personin që shkaktoi aksidentin, si pasojë e të cilit 5 persona përfunduan në spital.
Gjatë kontrolleve të kryera ndaj tre zyrtarëve, janë gjetur dhe sekuestruar 2.500.000 lekë dhe 26 mijë euro.
Tre zyrtarët e policisë arrestohen për korrupsion.
