Lëvizjet në Prokurori/ Petrit Fusha “viktima” e parë

Zgjedhja e Arta Markut në postin e Prokurorit të Përgjithshëm të Përkohshëm, pritet të sjellë një sërë lëvizjesh në rangun e Prokurorive lokale. Në organin e Prokurorisë, mësohet se i pari Prokuror që pritet të lëvizë nga posti që mban është kreu i Prokurorisë së Tiranës, Petrit Fusha.

Petrit Fusha ka po aq kohë në drejtimin e Prokurorisë së Tiranës, sa Adriatik Llalla në Prokurorinë e Përgjithshme. Pesë vite ka Llalla, po aq dhe Fusha. Katër vite si drejtues i Prokurorisë së Tiranës dhe një vit si zëvendësdrejtor. Petrit Fusha është një nga prokurorët më të pasur, pasuria e të cilit mund të shkojë në 1 milionë dollarë.

Mësohet se prokurori Fusha është i komanduar në Prokurorinë e Tiranës, dhe kështu lehtësisht Kryeprokurorja Arta Marku, mund ta kthejë në Prokurorinë e Përgjithshme.