39-vjeçari që e ktheu rrugën në pistë gare

VIDEO

Një aksident i rëndë u regjistrua në rrugën “Halit Haxhija” në Kamëz, ku një automjet tip “Audi”, nën drejtimin e 39-vjeçarit Përparim Bilja, doli nga rruga dhe përplasi 5 këmbësorë. Fatmirësisht, të plagosurit ndodhen jashtë rrezikut për jetën pas trajtimit në spital.

Por shoferi, në vend që të ndihmonte të plagosurit, braktisi makinën në vendngjarje dhe u largua. Pas një operacioni të shpejtë të Policisë së Kamzës, në bashkëpunim me qarkullimin rrugor, Bilja u lokalizua dhe arrestua brenda 24 orësh.

Sipas Policisë, ai kishte kryer manovra të rrezikshme duke e kthyer rrugën në një pistë gare të improvizuar. Mjeti “Audi” u bllokua dhe ndaj të arrestuarit është marrë edhe masa plotësuese e heqjes së lejes së drejtimit.

Materialet i janë referuar Prokurorisë së Tiranës, ndërsa hetimet vijojnë për zbardhjen e plotë të ngjarjes.