Thyente arrestin e shtëpisë për të shitur kokainë/ Ja çfarë e tradhtoi shqiptarin

Autoritetet italiane kanë ndryshuar dënimin e dhënë për një shqiptar, i cili edhe pasi ishte kapur me drogë dhe ishte dënuar me arrest shtëpiak, sërish nuk kishte “zënë mend” dhe vazhdonte me të tijën.

Shqiptari, “punonte” si punëtor i thjeshtë por kjo vetëm në letra, pasi në realitet ai merre me shitjen e kokainës.

Edhe pse atij iu dha dënim me arrest shtëpie në gusht të vitit 2017, për posedim kokaine, përsëri atij iu dha dhe leja që të punonte në kantieret e ndërtimit.

Policia arriti të zbulojë se gjatë orëve kur ky i fundit supozohej të largohej nga shtëpia për në punë, kryente aktivitetin e tij të paligjshëm. Ishin njohjet e vjetra ato që bënë që shqiptari të “fundosej” dhe ndaj tij të merrej masa e sigurisë arrest me burg.