Momenti kur hajdutët mbushin çantat në Muzeun e Luvrit (VIDEO)

Janë publikuar pamje të reja të grabitjes spektakolare në muzeun e Luvrit, ku grabitësit thyejnë kabinat prej qelqi, marrin bizhuteritë dhe largohen me shpejtësi.

Sot, prokurorja e Parisit, Laure Beccuau, bëri me dije se vlera e dëmit të shkaktuar nga kjo vjedhje arrin në 88 milionë euro. Megjithatë, ajo theksoi se kjo shifër është vetëm pjesë e kostos së përgjithshme, pasi dëmi historik dhe simbolik që ngjarja ka shkaktuar është shumë më i madh dhe i pallogaritshëm.

Në një intervistë për RTL, Beccuau u drejtua drejtpërdrejtë grabitësve, duke i paralajmëruar të reflektojnë thellë para se të vendosin të shkatërrojnë këto vepra arti.

“Shkrirja e bizhuterive nuk do t’u sjellë asnjë përfitim të vërtetë, pasi këto objekte janë të identifikueshme dhe nuk mund të shiten në tregun e zi ndërkombëtar,” tha ajo, duke nënvizuar se grabitësit do të kenë shumë vështirësi për t’i shfrytëzuar ato në mënyrë të ligjshme apo të fshehtë.