Deputeti Bledion Nallbati paraqitet në SPAK

Deputeti i Partisë Demokratike, Bledion Nallbati, është parë mëngjesin e së hënës teksa hynte në Prokurorinë e Posaçme (SPAK).

Ende nuk janë bërë publike arsyet e paraqitjes së tij në këtë institucion, ndërsa vetë Nallbati nuk ka dhënë asnjë koment për mediat.

Në momentin e mbërritjes, deputeti demokrat përshëndeti gazetarët dhe operatorët që ndodheshin përpara godinës së SPAK-ut, duke u shfaqur i qetë dhe me buzë në gaz, pa shenja tensioni.

Nuk dihet nëse bëhet fjalë për një thirrje zyrtare apo një paraqitje vullnetare, por mësohet se Nallbati ndodhet prej minutash brenda institucionit, ku pritet të zhvillojë një takim me prokurorët e posaçëm.