Balliu akuza mazhorancës: Doni t’ia mbathni si shoqja Balluku

Deputeti i Partisë Demokratike, Klevis Balliu, ka kërkuar nga mazhoranca që t’i jepet opozitës mundësia për të drejtuar pyetje gjatë seancës plenare. Ai akuzoi shumicën se po përpiqet të shmangë debatet dhe të mbyllë punimet e Kuvendit.

“Duket sikur doni të largoheni si zonja Balluku,” u shpreh Balliu me ironi.

Sipas tij, qëndrimi i mazhorancës tregon frikë nga transparenca: “E keni gjithë merakun që të mbyllni sallën dhe të ikni, ashtu siç bëri Balluku. Ku janë tani zonja Balluku dhe zonja Rama?” tha ai.

Deputeti shtoi se në komisionet parlamentare opozita ka ngritur mbi 80 pyetje, por asnjë nuk ka marrë përgjigje.

“Po bëhemi objekt talljeje para komunitetit ndërkombëtar. Duhet të rikthejmë normalitetin dhe respektin për institucionin e Kuvendit. Tërë natën, në vend që të mendoni për zgjidhje, keni planifikuar si të na ndaloni të flasim,” përfundoi Balliu.