“Ooo, erdhi e pandehura”, Belinda Balluku zbarkon në Kuvend

Përditësuar më 19 Nëntor 2025, 11:37

Zv.kryeministrja Belinda Balluku është shfaqur sot në seancën plenare të Kuvendit, ku po zhvillohet diskutimi maratonë mbi projektbuxhetin dhe paketën fiskale.

Kjo shënon daljen e saj të parë publike në sallën e Parlamentit që pas vendimit të SPAK për ta marrë të pandehur në lidhje me hetimet për tunelin e Llogarasë.

Në momentin që Balluku hyri në sallë, kreu i grupit parlamentar të PD-së, Gazment Bardhi, u dëgjua duke reaguar me tone ironike: “O kush erdhi, e pandehura.”

Situata tensionoi menjëherë atmosferën në Kuvend, ndërsa seanca vijon mes debateve politike.