VIDEO h*rror, autobuzi merr para një njeri me biçikletě

Një aksident i rëndë ka ndodhur mbrëmjen e sotme në zonën e Pallatit me Shigjeta në Tiranë. Sipas pamjeve të siguruara nga Publik.al, një autobus urban ka marrë përpara një person që lëvizte me biçikletë, duke humbur kontrollin dhe duke përfunduar mbi trotuar.

Autobusi, pas goditjes, është përplasur me disa automjete të parkuara, duke shkaktuar dëme të konsiderueshme materiale.

Në vendngjarje ndodhen aktualisht ambulanca dhe forcat e policisë, të cilat po punojnë për të sqaruar rrethanat e aksidentit dhe gjendjen shëndetësore të personit të aksidentuar.

Dëshmitarë në zonë raportojnë se përplasja ka qenë e fortë, ndërsa ende nuk ka informacion zyrtar për gjendjen e të aksidenruarit.