Mes lotëve dhe dhimbjes, 15 vjeçari përcillet në banesën e fundit

Familjarët, miqtë dhe banorë të zonës i thanë lamtumirën e fundit 15-vjeçarit Erjon Boba, i cili ndërroi jetë disa ditë pasi u godit me thikë nga një bashkëmoshatar në Durrës.

I mituri nga fshati Koçaj jetonte me qira prej tre vitesh në zonën e Kënetës, ku familja ishte zhvendosur për një jetë më të mirë dhe për mundësi arsimimi më profesional.

Sipas dëshmisë së babait të tij, Adem Boba, Erjoni ishte nisur për të punuar në një lavazh në afërsi të banesës, punë që ai kryente pas përfundimit të shkollës. Fatkeqësisht, një konflikt i papritur përfundoi tragjikisht, duke i marrë jetën 15-vjeçarit.

Ceremonia mortore u ndoq nga qindra persona, të cilët shprehën ngushëllimet e tyre për familjen Boba në këtë moment të dhimbshëm.