Detaje nga aksioni ndaj grupit ‘Rraja’, akuzat me të cilat përballen

Policia ka finalizuar një operacion të gjerë ndaj grupit të dyshuar kriminal të njohur si “Rraja”, duke arrestuar disa persona dhe duke vijuar kontrollet në bazat, banesat dhe ambientet e lidhura me ta, për të dokumentuar plotësisht aktivitetin kriminal.

Mes të arrestuarve është edhe Rexhep Rraja, djali i ish-deputetit socialist Rrahman Rraja.

Përveç tij, janë vënë në pranga:

1. Marvin Bushati

2. Agim Nina (alias Lorenc Izet Selmani)

3. Sokol Qaja

4. Gazmir Rraja

5. Përparim Rraja

Të arrestuarit akuzohen për trafikim të lëndëve narkotike në bashkëpunim dhe pjesëmarrje në grup të strukturuar kriminal, vepra të parashikuara nga nenet 283/a/1, 28 pika 4, 333/a dhe 334/1 të Kodit Penal.

Baza e këtij grupi ishte në Nikël, ndërsa operacioni vijon për të zbardhur çdo aspekt të aktivitetit të tyre dhe për të kapur persona të tjerë të përfshirë.