Zbardhet dëshmia e 39-vjeçarit

Erges Shegani, 39 vjeç, është arrestuar si autori i djegies së automjetit “Audi” në rrugën “Memo Meto” në Tiranë. Automjeti i përkiste Julian Çakirit.

Fillimisht Shegani ka deklaruar se “ia vuri flakën kot” makinës, por policia dyshon se ai është paguar nga një person tjetër me të cilin Çakiri ka pasur konflikte të mëhershme, të lidhura dyshohet me çështje pronësie.

Policia nisi hetimet menjëherë pas ngjarjes së ndodhur në orën 03:30 të datës 9 dhjetor, dhe brenda pak orësh në kuadër të operacionit “Price”, u bë e mundur kapja e autorit të dyshuar.

Materialet i janë dërguar Prokurorisë së Tiranës për veprime të mëtejshme.