Detajet nga policia

Një automjet është përfshirë nga flakët pas daljes nga rruga dhe është djegur plotësisht në një zonë me shkurre në Qafën e Llogarasë, ndërsa nuk përjashtohet mundësia që ngjarja të ketë qenë atentat.

Si pasojë e zjarrit, një person ka humbur jetën, pasi është bllokuar brenda mjetit dhe është djegur. Viktima ndodhej në sediljen e drejtuesit të automjetit dhe ende nuk është identifikuar.

Vlorë / Informacion paraprak

Rreth orës 14:35, pas një njoftimi të marrë në sallën operative të DVP Vlorë, shërbimet e Policisë janë nisur drejt vendit të quajtur “Qafa e Llogarasë”, ku kanë konstatuar një automjet duke u djegur. Nga verifikimet paraprake dyshohet se, si pasojë e zjarrit, ka humbur jetën një shtetas ende i paidentifikuar, i cili ndodhej në sediljen e drejtuesit të mjetit.

Grupi hetimor ndodhet në vendngjarje dhe po vijon punën për identifikimin e viktimës, si dhe për zbardhjen e plotë të rrethanave të kësaj ngjarjeje të rëndë.

Autoritetet nuk përjashtojnë asnjë pistë hetimi.