Erion Veliaj feston sot ditëlindjen, nuk e merrni dot me mend sa vjeç ben ai

Kryebashkiaku i Tiranës, Erion Veliaj, ka ndarë një mesazh të veçantë në rrjetet sociale për ditëlindjen e tij të 46-të, duke reflektuar mbi muajt e fundit të sfidave personale.

Nga qelia, Veliaj shkruan se në këtë ditëlindje “të pazakontë” zbuloi miqtë e ditëve të vështira, të cilët nuk do t’i harrojë kurrë.

“Më gëzuan pa masë letrat e urimet tuaja këtu në Durrës, në këtë ditëlindje të pazakontë. Ju falenderoj nga zemra që jeni kujdesur për nënën, bashkëshorten dhe djalin tim të vogël përgjatë këtyre 10 muajve. Vit absurd ky, por zbulova miqtë e ditëve të vështira e që nuk do i harroj kurrë! Ju dua shumë e ju përqafoj me mall! Faleminderit nga zemra!”, shkruan Veliaj.

Mesazhi i tij nga qelia, është një reflektim personal mbi sfidat dhe mbështetjen e marrë nga miqtë dhe familja gjatë periudhës së fundit, duke e bërë këtë ditëlindje më të veçantë se çdo herë tjetër.