Zyrtarizohen 3 banorët e parë të Big Brother Vip Albania

Brikena Selmani, Armir Shahini dhe Kristi Lamaj janë tre banorët e parë që hapin zyrtarisht edicionin e pestë të “Big Brother VIP Albania”.

Armir Shahini vjen në këtë format si një nga emrat më të njohur të muzikës shqiptare. Ai është veçanërisht i dashur për publikun si një nga anëtarët kryesorë të grupit legjendar “West Side Family”.

Nga ana tjetër, Brikena Selmani është modele nga Kosova, e cila së fundmi përfaqësoi vendin e saj në konkursin ndërkombëtar të bukurisë “Miss Grand International 2025”.

Në shtëpinë më të famshme në Shqipëri do të hyjë gjithashtu edhe Kristi Lamaj, këngëtar i muzikës popullore, i cili pritet të sjellë ngjyra dhe dinamika të reja gjatë qëndrimit të tij në lojë.

Ndërkohë, Monika Kryemadhi do të jetë opinioniste e këtij sezoni të “Big Brother VIP Albania 5”.