Meriton edhe  më keq!

T’i gëzoni rrugët që jua bëri Bela me Palloshin!

Asnjë keqardhje për:

– Ata që nisen për Kukës dhe mbesin në Rrugën e Kombit nga ngrica dhe bora, pasi kanë paguar rreth 6 600 lekë te trau i Çet Kastratit dhe Edi Ramës.

– Ata që nisen për Lezhë apo Shkodër, paguajnë 2 500 lekë te trau i Bashkim Ulajt – njeriut të cilit Rama dhe Balluku i bënë “nderin e jetës” – dhe më pas rrinë 5–6 orë në trafik.

– Ata që nisen për Vlorë dhe presin me orë të tëra në trafik në Lushnjë dhe Fier.

– Ata që nisen për Korçë dhe zhdëpen duke pritur 5–6 orë në Elbasan, te hinka e Bradasheshit, ose në aksin drejt Librazhdit.

Pra, në çdo drejtim që të dalin nga Tirana, shqiptarët – besimtarë të devotshëm të parrullës “jemi bërë fiks si Europa”, të cilën Rama ua reciton çdo ditë dhe ata e besojnë – edhe kur janë të bllokuar në trafik, humbasin para te taksat dhe trarët e Kastratit, Ulajt e Ramës, karburant dhe kohë pa fund.

Por një popull që nuk revoltohet nuk meriton kaq keq.Meriton edhe  më keq!