BE ‘shuplakë’ Ramës: Mali i Zi dhe Moldavia drej BE, ngec Shqipëria

Shqipëria, nën drejtimin e kryeministrit Edi Rama, po përballet me sinjale jo inkurajuese në procesin e integrimit europian. Në deklaratat më të fundit nga Brukseli, vendi nuk përmendet mes shteteve që po shënojnë përparim të dukshëm drejt anëtarësimit në Bashkimi Europian.

Sipas Komisioni Europian, aktualisht Mali i Zi konsiderohet si kandidati më i avancuar në këtë proces. Këtë qëndrim e bëri publik Komisionerja për Zgjerimin, Marta Kos, e cila theksoi se Podgorica ka arritur të mbyllë 14 kapituj negociatash dhe duhet të vijojë me të njëjtin ritëm reformash, veçanërisht në fushën e sundimit të ligjit.

Një tjetër vlerësim pozitiv nga Brukseli ka ardhur edhe për Moldavia, e cila sipas Komisionit po avancon me ritëm të shpejtë në përmbushjen e reformave të kërkuara në të 33 kapitujt negociues. Këto zhvillime tregojnë një fokus të ri të institucioneve europiane ndaj vendeve që po demonstrojnë progres konkret.

Në të njëjtën kohë, situata në Shqipëri mbetet e ndërlikuar edhe për shkak të zhvillimeve të brendshme politike. Në qendër të debatit është edhe çështja e zëvendëskryeministres Belinda Balluku, për të cilën janë ngritur akuza për shkelje të barazisë në tendera dhe që ndodhet nën hetim për të njëjtën vepër penale.

Këto zhvillime po ndikojnë në perceptimin ndërkombëtar për progresin e vendit, në një kohë kur vendet e tjera të rajonit dhe më gjerë po përparojnë me hapa më të shpejtë drejt integrimit europian.