Çmimi i domateve në Shqipëri shkon deri 8.4 dollarë për kg

Çmimi i domateve në Shqipëri ka arritur nivele rekord, duke tërhequr vëmendjen edhe të mediave ndërkombëtare si Fresh Plaza.

Sipas raportimit, në tregun vendas domatet qershi po shiten deri në 8.4 dollarë për kilogram, ndërsa domatet standarde variojnë nga 3.7 deri në 4.65 dollarë për kg.

Rritja e fortë e çmimeve vjen pas një periudhe ku në janar domatet vendase shiteshin rreth 1.8 dollarë për kg.

Edhe në tregun me shumicë vihet re rritje, me çmime që në Tiranë kalojnë 2.7 dollarë për kg dhe arrijnë deri në 3.2 dollarë në Korçë.

Të dhënat e INSTAT tregojnë se shkurti 2026 shënoi nivelin më të lartë të çmimeve në katër vitet e fundit.

Ekspertët e lidhin këtë situatë me uljen e sipërfaqeve të mbjella dhe dëmet e shkaktuara nga përmbytjet në fillim të vitit.

Zonat kryesore të prodhimit në Fier, Lushnjë dhe Berat janë goditur disa herë nga reshjet intensive, duke dëmtuar serrat.

Rritja e kostove për plehra, mbrojtje bimore dhe mungesa e fuqisë punëtore kanë shtuar më tej presionin mbi prodhuesit.

Një pjesë e konsiderueshme e prodhimit po orientohet drejt eksportit, duke ulur furnizimin në tregun vendas.

Si rezultat, konsumatorët shqiptarë po përballen me çmime disa herë më të larta krahasuar me të njëjtën periudhë të një viti më parë.