Neomalësorja braktis Ramën, del e pavarur

Deputetja Marjana Koçeku ka njoftuar largimin nga radhët e shumicës dhe kalimin e saj si deputete e pavarur, përmes një reagimi në rrjetet sociale.

Në deklaratën e saj, ajo thekson se vendimi lidhet me bindjet dhe vlerat personale, të cilat, sipas saj, kanë qenë të njëjta edhe përpara përfshirjes në politikë partiake.

“Prej sot jam deputete e pamvarun. Idealet e vlerat e mia janë ato që i kam pasë e i kam shprehë qysh para se me u asociu me nji parti. Ato m’i diftojne kufijtë,” shkruan ajo.

Largimi i saj vjen në një moment të ndjeshëm për mazhorancën, ndërsa mbetet për t’u parë nëse ky vendim do të pasohet nga zhvillime të tjera politike apo reagime nga Partia Socialiste.

Deri më tani, nuk ka një reagim zyrtar nga kryeministri Edi Rama apo drejtues të tjerë të shumicës lidhur me këtë vendim.