Vasili: Komisioni i Venecias kërkon konsensus për Kryeprokurorin
Lëvizja Socialiste për Integrim ka reaguar ashpër ditën e sotme lidhur me deklaratat e ambasadës amerikane në Shqipëri, se kjo e fundit mbështet rekomandimin e misioneve ndërkombëtare të OPDAT dhe EURALIU për zgjedhjen e Kryeprokurores së Përkohshme të Përgjithshme.
Ka qenë kreu i grupit parlamentar të LSI-së, Petrit Vasili, i cili përmes një statusi në profilin e tij në ‘Facebook’ ka sjellë edhe një herë në vëmendje rekomandimet e Komisionit të Venecias, që kërkojnë që Kryeprokurori të zgjidhet me konsensus.
Vasili shprehet qartë se asnjë komision ligjesh apo me keq akoma ndonjë mision i huaj nuk mund të dalë mbi Komisionin e Venecias që është institucioni me autoritar në nivel botëror.
Për Vasilin këto manovra, dhe sidomos harrim me qëllim i rekomandimit të Komisionit të Venecias, tregon se Reforma në Drejtësi po shkatërrohet përfundimisht.
Reagimi i Vasilit
Komisioni i Venecias ka folur qarte ne shqip dhe ne anglisht per ceshtjen e kryeprokurorit.
Komisioni i Venecias ka kerkuar 1.Konsensus 2.Perjashtimin e emerimeve teresisht politike.
Cfare kerkon Komisioni i Venecias kerkon edhe opozita sot.
Kush “harron” qellimisht Komisionin e Venecias dhe behet bashkeautor i nje faji te rende kushtetues,shkaterron perfundimisht reformen ne drejtesi dhe legjitimon kapjen e saj nga krimi dhe trafiqet.
Komisioni i Venecias ka folur qarte, asnje komision ligjesh i kapur apo me keq akoma ndonje mision i huaj nuk mund te dale mbi Komisionin e Venecias qe eshte institucioni me autoritar ne nivel boteror dhe te cilin e kane falenderuar te gjithe per reformen ne drejtesi ne Shqiperi;e kane falenderuar edhe ne shqip edhe ne anglisht.
Po jua rifreskoj memorjen me percaktimet e Komisionit te Venecias kjo eshte edhe nje mundesi per disa per te rifreskuar ndergjegjen.
Gjithashtu, po ju risjellim dhe qëndrimet e Komisionit të Venecias të mbajtuara në atë kohë për Prokurorin e Përgjithshëm:
Nuk ekziston një model i vetëm për zgjedhjen e tyre; njëkohësisht, është e dëshirueshme që këto emërime të rëndësishme të kenë një shkallë të gjerë konsensusi dhe (nëse kjo arrihet) pa kompromentuar cilësitë e kandidatit të suksesshëm.
Përfshirja e KLP dhe KED në procesin e emërimit përbën një garanci për përjashtimin e emërimeve tërësisht politike të PP dhe ILD edhe në një situatë ku shumica qeverisëse kontrollon 3/5e votave në Parlament.
Keni një histori? Denonco anonimisht, identiteti juaj mbrohet.
Denonco
