A ka pasur pëplasje me Ramën për shkarkimin e Haki Çakos? Xhafaj flet për herë të parë

Ministri i Brendshëm Fatmir Xhafaj ka folur për herë të parë për shkarkimin nga detyra të Haki Çakos. Në emisionin “Kapital” në Vizion+, ministri Xhafaj u shpreh se me nisjen e mandatit të ri duhet të kisha një analizë më të plotë, për të kuptuar problematikat dhe zgjidhjet e nevojshme sipas Kushtetutës dhe ligjit

“Së pari unë nuk shkova në Policinë e Shtetit për të zëvendësuar një drejtor me një tjetër – siç ndodhi në pjesën e parë të mandatit tim që, sipas meje, ishte një lëvizje e drejtë dhe minimale për atë kohë. Me nisjen e mandatit të ri duhet të kisha një analizë më të plotë, për të kuptuar problematikat dhe zgjidhjet e nevojshme sipas Kushtetutës dhe ligjit” – thotë Xhafaj.

Gjithashtu ai u pyet nëse ka pasur një përplasje mes tij dhe kryeministrit Rama për largimin e kreut të policisë së shtetit? Ministri,  e mohoj këtë dhe thotë se nga Rama nuk ka pasur asnjë hezitim për të firmosur propozimin e shkarkimit.

“Përplasje me Ramën? Nuk besoj të ketë pasur diçka të tillë. Kur kam dërguar propozimin për shkarkimin e Çakos, qeveria e miratoi. Në këto momente, për shkak të disa prioriteteve kemi nevojë për më shumë dinamizëm, kjo është një nga arsyet e kësaj lëvizjeje në radhët e drejtuesve të Policisë së Shtetit. Në momentin e përshtatshëm, drejtori i ri që do të vijë do të vlerësojë nevojën e lëvizjeve të reja”