Ngjarja e Librazhdit/ I sëmuri mendor vret me sëpatë bashkëfshatarin që po pastronte rrugën

Një 50 vjeçar mbeti i vdekur sot në në fshatin e thellë malor, Orenjë të Librazhdit pasi u qëllua brutalisht me sëpatë nga fqinji i tij. Viktima është Idriz Bica, ndërsa policia ka arrestuar autorin e krimit, Fiqiri Askurti, që nga të dhënat e para thuhet se ka probleme të shëndetit mendor. Viktima ka qenë duke pastruar rrugën e fshatit të zënë nga bora dhe nuk dihet se në çfarë rrethanash është konfliktuar me autorin që më pas ka marrë sëpatën dhe e ka goditur për vdekje.

Në një njoftim për mediat policia e qarkut të Ebasanit tha: “Më datë 25.01.2018 në sallën operative Librazhd ka ardhur një telefonatë se në fshatin Zdrajç një shtetas është vrarë me sopatë. Shërbimet e policisë menjëherë kanë shkuar në vendngjarje dhe nga veprimet e para hetimore konstatuan se Idriz Byci, rreth 50 vjeç i cili kishte qenë duke pastruar rrugën në këtë fshat, dyshohet të jetë vrarë me sopatë nga shtetasi F. A., rreth 50 vjeç që dyshohet të jetë i sëmurë mendor. Autori i krimit është vënë në pranga”