Dash inspektori, Lal Taksidari dhe karburanti që hodhi në erë Bërrylin

Kur u zgjodh Lali kryetar bashkie në 2015-ën, shpikën një skemë këta. Rritën me 160 herë tarifën e rilicencimit të pikave të karburanteve.

Stacionet e karburanteve paguanin në atë kohë 300 mijë lekë të vjetër për licencim/rilicencim, kurse këta e bënë 50 milionë lekë për çdo pikë karburanti, me rinovim një herë në pesë vjet. Tregtarët e karburanteve e çuan çështjen në gjykatë.

Gjykata i tha Lalit: shumë mirë që po e rrit tarifën me 160 herë ti, por çfarë ke shtuar ose përmirësuar te shërbimi që u jep këtyre? Ose si e ke rritur apo përmirësuar shërbimin me 160 herë? (Tarifa, ndryshe nga taksa, paguhet përkundrejt një shërbimi që privatët marrin nga shteti.)

Nejse, rritja e tarifës u rrëzua në gjykatë. Çfarë bënë këta? E rikthyen me një marifet tjetër dhe e vunë 30 milionë lekë të vjetër, çdo pesë vjet, për çdo pikë karburanti. (Këtë e ha mileti gjithmonë në çmimin e naftës.)

Tani, shërbimi që presupozohet se jep shteti përkundrejt kësaj tarife është siguria. Inspektoratet dhe trupat e shtetit, një herë në pesë vjet, shkojnë dhe kontrollojnë pikën për çdo element të sigurisë. Kur kushtet përmbushen, rinovojnë licencën. Në të kundërt, e rrëzojnë. Pas kësaj, Bashkia merr tarifën 30-milionëshe.

Arsyeja pse tarifa paguhet një herë në pesë vjet ka po ashtu lidhje me sigurinë. Kjo sepse kushtet e sigurisë ndryshojnë, hyjnë produkte të reja e kështu me radhë, ndaj është e detyrueshme që licenca të rinovohet çdo pesë vjet.

Sot ia vunë minat Bërrylit këta. Tani duhet pyetur Dashi i gjelave në Peqin se si i kishte përmbushur kushtet e sigurisë kjo pikë poshtë pallatit te Bërryli dhe të gjitha pikat e tjera poshtë pallateve në Tiranë e kudo. Kurse Lal Taksidari, që merr lekët, duhet pyetur se si e rriti sigurinë me 160 herë.

Shtet karagjozësh.