Ngacmoi seksualisht nxënësen 13-vjeçare, arrestohet mësuesi 60-vjeçar

Një mësues 60-vjeçar në Lushnjë është arrestuar nga specialistët për Hetimin e Krimeve, pasi dyshohet se ka ngacmuar seksualisht përmes mesazheve një nxënëse 13-vjeçare.

Në pranga ka rënë shtetasi me inicialet M. S., i cili ushtronte detyrën e mësuesit në një shkollë në Lushnjë.

Sipas dyshimeve të ngritura nga autoritetet, 60-vjeçari ka komunikuar me vajzën 13-vjeçare përmes mesazheve me përmbajtje që po hetohet si ngacmim seksual.

Pas veprimeve të para hetimore, policia ka bërë arrestimin e mësuesit, ndërsa çështja do të vijojë të hetohet nga organi i akuzës.

Materialet procedurale në lidhje me rastin i janë referuar Prokurorisë së Fierit, e cila do të kryejë veprimet e mëtejshme hetimore dhe procedurale.

Autoritetet nuk kanë bërë publike të tjera të dhëna mbi komunikimet apo rrethanat konkrete të rastit, ndërsa hetimi vijon për të dokumentuar plotësisht ngjarjen.