I pari që tronditi themelet e qeverisë, Zagani konfirmon mesazhin në protestën e opozitës, mesazhi që do të përcjellë

Ish-oficeri i antidrogës Dritan Zagani, i pari që trazoi ujërat e politikës shqiptare duke akuzuar krerët e policisë shqiptare si të lidhur me krimin si dhe lidhjen e ish-ministrit Tahiri me vëllezërit Habilaj, ka konfirmuar për ‘Fax News’ mesazhin në protestën e opozitës.

Zagani ka thënë se ai proteston për veten dhe policët e ndershëm. Ai ka thënë se proteston kundër qeverisë dhe jo në mbështetje të opozitës, duke shtuar se nuk përfshihet në luftën politike por thjeshtë mbështet policët e ndershëm në luftën kundër mafies.