Sanilevich bëhet gati për kulla në Tiranë

Biznesmeni izraelit Saniel “Sani” Sanilevich duket se ka hedhur hapat e parë zyrtarë për të hyrë fuqishëm në tregun e ndërtimit të kullave të larta në Shqipëri.

Kompania e re në QKB

Më 14 tetor 2026, në Qendrën Kombëtare të Biznesit (QKB) u regjistrua zyrtarisht një kompani e re me emrin “Needle Tower SHPK”. Kompania ka si objekt aktiviteti projektimin, zhvillimin dhe ndërtimin e objekteve civile, tregtare dhe rezidenciale. Aksioneri i saj është pikërisht Saniel Sanilevich, përmes kompanisë Sea Sun Capital.

Administratorja e re e kompanisë

Administratorja e re

Në krye të kompanisë si administratore e saj është emëruar Elle Goren (Elle Hefets Goren), e cila njihet botërisht si Drejtoresha e Operacioneve e kompanisë së Sanilevich, Sanilevich Real Estate and Entrepreneurship në Izrael.

Lidhja me krahun e djathtë të biznesmenit

Fakti që krahu i djathtë i Sanilevich dhe partnerja e tij e ngushtë në biznes është vënë në krye të kompanisë së re, konfirmon se biznesmeni izraelit po bëhet gati për një projekt masiv ndërtimi në Shqipëri.

Lidhja me projektin “The Needle”

A qëndron Sanilevich pas projektit “The Needle”?
Emri i kompanisë së re, Needle Tower SHPK, përkon në mënyrë të padyshimtë me projektin e bujshëm arkitekturor “The Needle” (Gjilpera), një kullë e planifikuar 200 metra e lartë për t’u ndërtuar në Tiranë.

Vendndodhja e projektit

Fillimisht kjo ishte një kullë parashikohej të ndërtohej në krah të ETC-së. Por më vonë projekti ndryshoi vendodhje dhe u spostua në Qytetin Studenti.

Dyshime të pazgjidhura

Dyshime të pazgjidhura

Nuk dihet nëse kompania e re e Sanilevich është ngritur pikërisht për të realizuar këtë projekt. Por përputhjja e emrit të kompanisë me këtë projekt 200-metrash ngre jo pak dyshime.

Saniel Sanilevich është konsulli i nderit të Shqipërisë në Izrael dhe një mik i afërt i kryeministrit Edi Rama. Mediat investigative në Izrael kanë zbuluar se Sanilevich po ndërton një prani të fortë ekonomike në Shqipëri.

Interesa të tjera në Shqipëri

Ai aktualisht është një prej aksionerëve të Jet Bank, ndërkohë që përflitet se qëndron pas projektit për privatizimin e tenderave të shëndetësisë./Kapitali