E mërkurë, 18 nëntor 2026 DENONCO ANONIM Denonco: +355 69 20 95 843
PUBLIK PUBLIK
Majko “dhëmbë për dhëmbë” me Berishën: A mund të flasë dikush në partinë e tij si unë në PS?
Lajme

Majko “dhëmbë për dhëmbë” me Berishën: A mund të flasë dikush në partinë e tij si unë në PS?

Ish-kryeministri Pandeli Majko ka reaguar ndaj deklaratave të kryetarit të Partisë Demokratike, Sali Berisha, i cili e përmendi gjatë diskutimeve në Kuvend për projektbuxhetin e vitit 2027.

Përmes një postimi në rrjetet sociale, Majko iu përgjigj me ironi kreut të demokratëve, duke u ndalur te komentet e tij dhe duke e lidhur mënyrën e komunikimit të Berishës me moshën. Sipas ish-kryeministrit socialist, edhe batutat e liderit të opozitës janë të vjetruara.

Por reagimi i Majkos nuk u kufizua vetëm te ironia. Ai ngriti edhe një pyetje për mënyrën se si funksionon Partia Demokratike, duke vënë në pikëpyetje nëse brenda kësaj force politike ekziston e njëjta hapësirë për debat dhe kundërshtim që, sipas tij, ai gëzon në Partinë Socialiste.

Majko u shpreh se Berisha nuk mund ta mposhtë politikisht Partinë Socialiste, pavarësisht vështirësive që kjo e fundit mund të kalojë. Ai argumentoi gjithashtu se kreu i PD-së nuk mund të përfaqësojë aspiratat europiane të të rinjve që sot dalin në protesta.

Në përfundim të reagimit, ish-kryeministri la një tjetër mesazh thumbues për Berishën, duke nënvizuar se askush nuk mund t’i shpëtojë natyrës dhe identitetit të vet.

Reagimi i plotë i Pandeli Majkos:

“Berisha më paska përmendur sot në Kuvend…!

I vetmi justifikim është mosha e tij! Edhe batutat i ka të ‘moshuara’!

Këtë individ, e bënë lider, studentët! Zgjedhjet e tij e bënë atë, ‘non grata’!

E vetmja pyetje që duhet t’i bëj vetes është nëse dikush në forumet e partisë së tij mund të flasë si unë tek partia ime?

Socialistët një mijë herë të bien në tokë, sërish do të ringrihen!

Berisha nuk i mund dot socialistët! Ta harrojë!

Arsyeja është e thjeshtë! Berisha nuk mund të jetë një ëndërr për të ardhmen europiane edhe të atyre djemve e vajzave që protestojnë sot!

Askush nuk i shpëton asaj që është! Berisha më shumë se askush!”

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.