Rama: Restaurojmë urën e Shën Prodhomit, komentuesit: Edhe urat e Hoshtevës e Orgockës monument kulture ishin por i mori lumi

Kryeministri Edi Rama e ka nisur ditën duke njoftuar ndjekësit e tij në rrjetet sociale se këtë pranvere do të rikonstruktohet ura 300 vjeçare e Shën Prodhomit në Voskopojë. Por premtimi i Ramës duket se nuk i ka gëzuar sa duhet qytetarët që i shkruajnë se dy ura të tjera monument kulture, tashmë i ka marrë lumi.

Reshjet e fundit, kanë shembur plotësisht urën e Orgockës në Kolonjë duke i hequr listës së trashëgimisë kulturore një objekt 300 vjeçar, i ndërtuar gjatë periudhës osmane. Prurjet e rrëmbyeshme të lumit Osum kanë shkatërruar edhe harkun e mbetur të urës në të cilën nuk është bërë asnjë ndërhyrje restauruese ndër vite, edhe pse me statusin e monumentit të kulturës të kategorisë së parë.

Po kështu, ura 200-vjeçare e fshatit Hoshtevë në Zagorie është shembur. Objekti, monument kulture i kategorisë së parë, i ndërtuar gjatë periudhës së Ali Pashës, prej 15 vitesh kishte shfaqur probleme me stabilitetin e këmbëve dhe harkut kryesor, por reshjet e këtij dimri e morën me vete. Banorët kishin sinjalizuar ministren e Kulturës e cila premtoi publikisht rikonstruksionin e urës në Zagori, por restaurimi mbeti në letër, ndërsa ura historike nuk është më…

*Më poshtë monumentet e kulturës që nuk i kemi më. 1-Orgocka, 2- Hoshteva

*Postimi i Rames, ku shfaqet Kumbaro duke inspektuar uren ne Voskopoje