“Porositësit e 613 kg kokainë janë disa biznesmenë të fuqishëm ndërtimesh në Tiranë”
Kur kanë kaluar vetëm dy ditë nga sekuestrimi i 613 kg kokainë në Durrës, ende nuk kemi asnjë të arrestuar të porositësve të drogës, përpos shoferit të kamionit si dhe menaxherit të kompanisë që kishte porositur ngarkesën e bananeve nga Kolumbia, ku edhe u zbulua droga.
Por, Flamur Vezaj, një gazetar i njohur i kronikës, i cili tashmë ndodhet në SHBA, përmes një statusi në profilin e tij në ‘Facebook’, shkruan se porositësit janë disa biznesmenë të fuqishëm ndërtimesh në Tiranë dhe Fier.
Madje, Vezaj deklaron se pas pronarit të kompanisë, Arbër Çejkut, fshihet një familjar i tij, i cili njihet si një nga biznesmenët më të fuqishëm në vend në fushën e hidrokarbureve.
Po ashtu, ai thotë se porositësit e 613 kg kokaine, janë të njëjtët me personat që kishin ngritur laboratorit e ‘Xibrakës’ në Elbasan, që u zbulua disa vite më parë.
Reagimi i Vezajt:
“Xibraka 2”
613 kg kokaine nga Kolumbia!! Sasia me e madhe e kapur ndonjehere ne Shqiperi por edhe ne rajon! Bravo Policise dhe Doganava!!!! Por une mendoj se nje ngarkese e tille, me vlere qindra milion euro nuk niset pa nje garanci!! Atehere kush i tradhetoj, thua qeni antidroges e nuhati rastesisht apo metodat “speciale te rriskut” doganore?! Une mendoj se asnjera nga keto pasi “thashethemet” (burimet me thone) se eshte e njejta dore e biznesmeneve financues qe nuk u arrestuan edhe ne rastin “Xibraka 1”. Nuk u arrestuan pasi autoritetet gjermane nuk kishin besim te dorezonin pergjimet te pala shqiptare dhe prokuroria u mjaftua me flagrancen duke lene te lire te gjithe biznesmenet e tjere te njohur ne fushen e ndertimeve ne Tirane e Fier si dhe investitoret (pa asnje biznes) ne klube sportive ku njeri prej tyre njihet edhe si personi qe drejton kontrabanden ne dogana! E qe dyshohet se eshte personi qe tradhetoj ngarkesen! Po kush fshihet pas kompanise se bananeve te A.Cejkut qe eshte shpall ne kerkim! Kush eshte familjari i tij, pronar klubesh e karburantesh qe prej vitesh nuk bie ne sy ne fushen e trafikut te drogave te forta qe Shqiperine e perdore si tranzit drejt Holandes e vendeve tjera te BE-se te lidhur ne ortakeri me disa nga pjesetaret e bandes se shpallur te pafajshem vitet e fundit ne Shqiperi!
Po per ortaket ne Shqiperi, po heton njeri, per ate investitorin e nje HEC-i ne vend e pronar lokalesh te njohur ne ish-bllok apo ate prane Gjykates se Tiranes dhe pronarin e nje prej resorteve te njohur ne bregdetin e Durresit!!? A thua do ta zbardh kete dosje i besuari kryesor i Adriatik Llalles tashme qe ka mbet ne krye te Krimeve te Renda B.Hajdarmataj apo do ta arkivoj si per bashkepunetoret e “Xibraka 1” ose me sakte si vrasjet e shumta ne Tropoje ku per shume kohe ishte drejtues i prokurorise! Apo edhe per faktin se ai i njeh disa nga keto te perfolurit se i ka nga zona e tij e qe pas vitit 1997 pjesetar te familjes Haklaj kane vrare disa burra te familjes se ketyre personave tashme te dyshuar ne trafikun e kokaines! E per te ju kthyer perseri “Xibrakes 1” e biznesmeneve te njohur ne vend, ku dy prej tyre kane shtuar masat e sigurise personale e te afermeve, me le te kuptohet se ketu dyshohet per tradheti e per ngarkesa te tilla trafikantet nuk te falin! Uroj qe “qeni” nuhates i policise te kete marr masat mire se pasojat do te ndihen pas disa diteve!
P.S. kush eshte kompania qe solli fuçit me kokaine ne Xibrake, ne cfare data hyjne ne Shqiperi, kush i ndihmoi ne dogane…ne ditet ne vazhdim.
Keni një histori? Denonco anonimisht, identiteti juaj mbrohet.
Denonco
