Takimi me Metën për “detin”, Gjermeni: Nuk duhet të ketë ndarje politike për çështje të tilla

 Në rubrikën “Opinion” në “News24”, deputetja socialiste tha se është e rëndësishme që të ketë një koordinim të të gjithë institucioneve, në mënyrë që të arrihet një marrëveshje sa më e mirë.

Duke theksuar se vendimi i Gjykatës Kushtetuse është busull orientimi në këtë proces, Gjermeni tha se për çështje të tilla nuk duhet të ketë ndarje politike.

“Me Presidentin zhvilluam një takim kontstruktiv. Marrëveshja me Greqinë është e rëndësishme për integrimin europian të vendit dhe hapjen e negociatave. Të gjitha institucionet duhet të koordinohen për këtë marrëveshje. Vendimi i Gjykatës Kushtetuese është busull orientimi. Për çështje të tilla nuk duhet të ketë ndarje politike. I gjithë takimi ishte pozitiv. Dhe në tërësi politika e jashtme në Shqipëri gjithmonë ka patur një nivel më europian diskutimi, ndryshe nga debatet e tjera. Ky diskutim duhet parë në interes të vendit dhe sigurisë kombëtare, dhe jo të politizohet”, u shpreh deputetja Gjermeni.

Sakaq, ajo u ndal edhe tek projektligji i ri për strehimin social, duke u shprehur se nga këto programe synohet të dyfishohet numri i përfituesve.

“Duhet impenjim nga të gjitha institucionet në mënyrë që të zbatohet ligji, dhe të japë rezultate”, u shpreh ish-ministrja e Zhvillimit Urban, Eglantina Gjermeni. /BW/