Rrëzohet avioni ushtarak rus, 32 persona humbin jetën

Një avion ushtarak rus është rrëzuar në Siri ku kanë humbur jetën 26 pasagjerë dhe gjashtë anëtarë të ekuipazhit.

Avioni i transportit u rrëzua gjatë uljes në bazën ajrore Khmeimim, pranë qytetit bregdetar sirian të Latakisë, njofton agjencia e lajmeve Ria Novosti.

Ministria e mbrojtjes po heton rrëzimin, por të dhënat paraprake sugjerojnë se deri tek aksidenti mund të ketë ardhur për shkaqe të mosfunksionimit teknik, bën të ditur ministria e jashtme ruse.