Protestuesit para Drejtorisë së Policisë marrin vendimin e rëndësishëm. Pritet që të shkojë edhe kreu i PD

Që prej orën 21 vijon protesta e qytetarëve të kukësit pranë Drejtorisë së Policisë në Tiranë.

Qytetarë të ndryshëm dhe anëtarë të shoqërisë civile si dhe aktorët e Teatrit Kombëtar i janë bashkuar banorëve të Kukësit në këtë protestë e cila po vijon të mbahet në nivele më të qeta.

Protestuesit mësohet se do të qëndrojnë të gjithë natë para Drejtorisë së Tiranës, deri në lirimin e të afërmve të tyre. Po ashtu pritet nga momenti në moment të vijë pranë protestuesve kreu i PD Lulzim Basha.

Frikë nga përshkallëzimi i protestës në Tiranë, zbardhet urdhri i ri Policisë

Qytetarë të shumtë janë rikthyer sërish përpara Drejtorisë së Policisë së Tiranës për të protestuar për lirimin e familjarëve të tyre të arrestuar pas tubimit që degjeneroi në përplasje mes banorëve të Kukësit dhe Policisë në Rrugën e Kombit.

Po ashtu bëhet me dije se 6 komisariatet e Tiranës do të jenë në gatishmëri.

Për të afërmit e 23 të arrestuarve prangosja e tyre nga policia është e paligjshme.

Në mbështetje të protestuesve ishin edhe deputetë të opozitës, të cilët thonë se procedura e ndjekur për arrestimin e 23 qytetarëve është në shkelje të ligjit.

Ndërkaq këshilltarët bashkiakë të Kukësit kanë paditur prokurorët dhe policët të cilët lëshuan dhe ekzekutuan urdhërarrestet. Në padi thuhet se ndaj tyre rëndojnë katër vepra penale, ajo e heqjes së paligjshme të lirisë, shpërdorimi I detyrës, kryerja e veprimeve arbitrare dhe mosmarrje e masave për të ndërprerë gjendjen e paligjshme.

Procedohen 8 persona pas protestës në Tiranë, zbardhet akuza

Pas protestes 2-ditore para Drejtorise se Policise ne Tirane, jane proceduar 8 persona me akuzen e tubimit te paligjshem ne kryeqytet.

Personat kane protestuar per lirimin e banoreve nga Kukesi, te cilen po mbahen ne paraburgim.

“Më datë 02.04.2018, u referuan materialet në Prokurorinë pranë Gjykatës së Shkallës së Parë Tiranë, për shtetasit A.T., A.L., G.Gj., B.P., B.Gj., E.P., E.H., dhe A.K., vjeç 46, 30, 30, 38, 49, 35, 46 e 39, pasi dyshohet se në rrugën “Sami Frashëri”, në hyrjen kryesore të DVP Tiranë, kanë protestuar në mënyrë të paligjshme në lidhje me arrestimin e disa personave të ndaluar nga Prokuroria e Rrethit Gjyqësor Kukës. Neni 262 i Kodit Penal”, thuhet ne njoftimin e Policise.

Nderkohe gjate drekes protestuesit kane vijuar te qendrojne perpara Drejtorise se Policise se Tiranes, te ulur kembekryeq ne rruge.