Presidenti Meta takim me zv. Kryeministrin e Kosovës: Diskutime për Rrugën e Kombit…

Presidenti Ilir Meta zhvilloi sot një takim me zv. Kryeministrin e Kosovës, Fatmir Limaj, ku janë shkëmbyer mendime për rritjen e bashkëpunimit Shqipëri-Kosovë.

“Ndamë të njëjtën bindje se Rruga e Kombit është investimi më madhor që kanë bërë dy vendet tona, e cila ka ndihmuar ndjeshëm rritjen e shkëmbimeve të gjithanshme midis dy vendeve dhe qytetarëve tanë.

Mirëmbajtja dhe rritja e standarteve të lëvizjes dhe sigurisë është shumë e rëndësishme, por çdo vendim në këtë drejtim duhet të jetë i mirëstudiuar dhe i konsultuar, në mënyrë që ky korridor kombëtar jetik të gjenerojë edhe më shumë zhvillim dhe mirëqenie për qytetarët tanë”, shkruan Meta në një postim në faqen zyrtare në rrjetin social.