Lajmi bëhet i ditur nga policia e cila ka publikuar edhe foton e testit të alkoolit i cili ka rezultuar 1.07 mg/l duke thyer çdo rekord.
Ngjarja ndodhi sot në mesditë në autostradën Elbasan-Metalurgji. Shtetësja Shpëtime Tufa 55 vjeçe ka hipur në automjetin tip Passat me targë AA 087 CD që drejtohej nga Julian hida 45 vjeç i cili duket se ka qenë i dehur dhe i vetëm në automjet. Ndërsa ka marrë autostradën, ai nuk ka ngurruar dhe ka tentuar që të kapë gruan. Por ajo ka refuzuar dhe i ka kërkuar të ndalë makinën. Por ai ka vazhduar ngacmimet. Atëherë ajo ka hapur derën dhe është përplasur në asfalt për të shpëtuar. Ndërsa 45 vjeçari ka vazhduar rrugën duke u larguar nga vendi i ngjarjes.
Gruaja u transportua për në spital ku mori ndihmën e parë dhe më pas u dërgua për në Tiranë për një shrëbim më të specializuar. Mjekët thanë se gjendja e saj është serioze për shkak të politraumës që ka pësuar si pasojë e përplasjes me asfaltin.
Ndërkoh policia arrestoi autorin dhe gjatë kryerjes së testit ka rezultuar një sasi kolosale e alkoolit në gjak 1.07mg/l.
Ndaj tij janë ngritur tashmë disa akuza si aksidentit, largimi nga vendi i ngjarjes, drejtimi i automjetit në gjendje të dehur etj.
