Arta Marku nuk shkon në komisionin e Vetingut, Jacobs i ONM: Mungesë lidershipi

Kryeprokurorja e Përkoheshme Arta Marku do të dalë sot para KPK-së ku do të dalë për pasurinë e saj.

E zgjedhur nga mazhoranca në mënyrë të njëanshme, Marku ka marrë në fakt kompetencat e një kryeprokurori të zakonshëm.

Por sot Arta Marku ka vendosur të mos shkojë në seancën e KPK-së ku do të diskutohet pikërisht për të.

Marku, siç duket nuk kërkon të përballet vetë edhe me mediat që e prisnin aty tek ambientet e KPK-së.

Ajo ka vendosur që të dërgojë në KPK avokaten e saj, Lirime Çukaj.

Mungesa e kryeprokurores së përkohshme Arta Marku para komisionit të Vetingut sot dhe përfaqësimi i i saj nëpërmjet avokates Lirime Çukaj nuk ka kaluar në heshtje.

Kryetarja e Komisionit të Pavarur të Kualifikimit, Genta Tafa Bungo, e ka pyetur avokaten: Përse nuk ka ardhur zonja Marku sot në komision?

Avokatja u përgjigje se “Kështu e ka parë të arsyeshme.”

Bungo vuri në dukje se “Prania e Markut do të ishte prestigjioze”, kurse përfaqësuesi i huaj, Theo Jacobs i ONM, shprehu keqradhjen dhe nuk e kurseu kritikën: “Keqardhje, – tha ai. – këtë e shoh si mungesë lidershipi. Arta Marku nuk duhet të japë vetëm urdhra.”