Rrahja e avokatit/ Babai i të kërkuarit: Ndoja shtyu dhe pagoi djalin tim për të dhunuar Ilian

Babai i Mond Vogës, i shpallur në kërkim si autor i dhunës ndaj avokatit Ilia Ilia në Durrës, ngre akuza të rënda ndaj prokurorit të Durrësit Arjan Ndoja, duke e quajtur atë hajdut dhe kriminel.

Sipas tij, prokurorin e ka denoncuar për vjedhje dhe korrupsion pasi ai ka përvetësuar pasurinë e familjes së tij. Kadri Voga, teksa i kërkon ndjesë publike avokatit, kërkon nga strukturat shtetërore të veprojnë pa tolerim për të zbardhur këtë ngjarje të shëmtuar dhe të vihen para drejtësisë autorët. Ai thotë se djali i tij është shtyrë dhe paguar nga prokurori Ndoja për të dhunuar avokatin Ilia Ilia.