Kush është Gazmir Daci?
Daci ndodhet në burg për vrasjen e Valmir Kolaverit dhe plagosjen e Robert Kolaverit. Ai është dënuar nga gjykata me 35 vite burg në lidhje me këtë ngjarje të rëndë.
Por nuk është hera e parë që ndaj Dacit janë bërë tentative për vrasje. Gazmir Daci i shpëtoi një atentati me snajper në burgun e Vaqarrit, në vitin 2016.
Ergys Kolaveri 25 vjeç dhe kushëriri i tij Enea Caka 24 vjeç qëlluan me armë brenda burgut të Vaqarrit gjatë kohës që të dënuarit ishin në orarin e ajrimit.
Plumbi kapi në këmbë shtetasin Lili Dulajn, duke e lënë të plagosur, ndërsa objektivi i vërtetë ishte Gazmir Daci, i cili gjendet po në Burgun e Vaqarrit dhe në momentin e sulmit ishte pak metra larg Dulajt.
Ky nuk është shpërthimi i parë për familjen Daci. Në fillim të vitit 2017 në lokalin e Xhelal Dacit, babait të Gazmirit, në rrugën ‘Demokracia’ në Kamez pati një shpërthim me tritol, që shkaktoi vetëm dëme materiale.
