Gjykata e lartë shpall thirrjen e dytë për gjyqtarë Apeli për KLGJ

Gjykata e Lartë ka rishpallur thirrjen për paraqitjen e shprehjes së interesit nga gjyqtarët që vijnë nga gjykatat e apelit jashtë Tiranës, për pozicionin e anëtarit në Këshillin e Lartë të Gjyqësorit.

Kjo është e dyta thirrje e ardhur nga ky institucion, pas asaj të shpallur më 31 korrik, të cilës duket se gjyqtarët e Apelit të Republikës së Shqipërisë nuk i janë përgjigjur me kandidaturat e tyre.

Afati për shprehjen e këtij interesi është data 6 shtator, në përfundim të së cilës, nëse kandidaturat nuk janë shprehur, ligji parashikon zgjedhjen e tyre me short nga radhët e gjyqtarëve që kanë kandiduar për vendin vakant.