“Jam tallur me policinë”, Xhisiela Maloku ia thotë në sy Fevziut

Xhisiela Maloku ka marrë vëmendjen e mbarë opinionit publik, ndërsa së fundmi i ka habitur të gjithë me deklaratat e saj.

Maloku tha se pavarësisht denoncimeve të saj në polici, ajo nuk ishte dhunuar dhe kërcënuar kurrë nga djali i deputetit Muharrem Rraja, Rexhep Rraja, porse gjithçka e kishte bërë nga xhelozia.

Nënjë intervistë përballë Blendi Fevziut në Opinion, Xhisiela ka treguar pse i bënte dhe i tërhiqte denoncimet.

INTERVISTA E SHKËPUTUR NGA OPINION:

Maloku: Kallëzimin e dytë e kam bërë në SHKB, sepse atë natë ne ishim sqaruar dhe pajtuar, ndërkohë që ai sapo unë kam tërhequr kallëzimin në polici, në orën 3 të natës, ka ikur përsëri në Sarandë me pushime.

Fevziu: Çdo me thënë? Pse ju talleshit me Policinë e Shtetit, që sa herë ai ikte me pushime ju e denonconit dhe sa herë kthehej nga pushimet tërhiqnit denoncimin?

Maloku: Po këtë kam bërë.

Fevziu: Këtë keni bërë?

Maloku: Po, nuk jam tallur me policinë, por thjeshtë…

Fevziu: Çdo me thënë nuk je tallur me policinë, kjo është më shumë se tallje nëse është kështu siç thoni ju.

Maloku: Kështu është siç them unë.

Fevziu: Jeni e sigurt se këtë deklaratë që po e jepni nuk jeni nën presion?

Maloku: Absolutisht nuk jam nën presionin e askujt.

Fevziu: Nuk ju ka kërcënuar më njeri këto kohë?

Maloku: Asnjëherë nuk më ka kërcënuar njeri…