I riu nga Berati vdes në Urgjencë, fajësohet mjekja

Ditën e djeshme Marinel Veleshnja, është paraqitur në Repartin e Urgjencës në Spitalin Rajonal të Beratit, ku vetëm pak minuta më vonë ndërroi jetë. Familjarët e të riut akuzojnë bluzat e bardha për mjekim të pakujdesshëm. Kështu, ka nisur një procedim penal ndaj mjekes së repartit, Arjola Xheblati, 29-vjeçare.

Pas denoncimit nga familjarët, policia ka sekuestruar si provë materiale kartelën mjekësore të 31-vjeçarit dhe autopsinë që u krye në Morgun e Spitalit Rajonal të Beratit.

Çështja është dërguar për ndjekje penale në organin e Prokurorisë së rrethit të Beratit. Burime nga spitali i Beratit bëjnë me dije se i riu ka mbërritur në gjendje të rëndë në urgjencë, dhe dyshimet janë se mund të ketë qenë “overdozë”.