Petrit Vasili jep dorëheqjen nga kreu i LSI

Petrit Vasili jep dorëheqjen nga kreu i LSI

“Dorëheqja ime që LSI të jetë më aktive në opozitë, për çështje organizimi”, ka deklaruar Vasili i cili doli forcë e tretë në këto zgjedhje ku LSI mori 18 mandate në rang kombëtar. Megjithatë Vasili do të dalë në një konferencë për mediat në orën 14:00.

Në 5 korrik do zhvillohet konventa zgjedhore për zgjedhjen e kryetarit të ri ndërsa nuk dihet ende nëse Vasili do rikandidojë për të rimarrë kreun e LSI apo do të kemi të tjera kandidatura mes të cilave përflitet edhe Monika Kryemadhi, bashkëshortja e Metës e cila aktualisht mban postin e zv.kryetares së LSI. Deri në votimin e zgjedhjes së kryetarit, postin e kreut të LSI do e mbajë pikërisht zonja Kryemadhi.

Vasili u zgjodh si kreu i LSI në 3 maj të këtij viti gjatë Konventës Kombëtare të LSI, ndërsa zv/kryetare e kësaj force politike u zgjodh Monika Kryemadhi.

Këto ndryshime erdhën pas emërimi të Ilir Metës në krye të Presidencës. LSI drejtohej nga Meta prej më shumë se 13 vjetësh.