15 ditë pas emërimit, jep dorëheqjen zv/ministrit i Arsimit :Nuk jam dakord me…

Vetëm dy javë pas marrjes së detyrës, jep dorëheqjen zëvendësministri i Arsimit Taulant Muka. Ai u emërua në këtë detyrë më 31 tetor, ndërsa zëvendësoi Ervin Demon.

Muka e ka dorëzuar dorehëqjen e tij kryeministrit Edi Rama, ku shpreht se:

“I nderuar z. Kryeministër,

Për arsye etike, morale dhe profesionale, dhe të papajtueshmërisë që unë kam në modelin e punës të aplikuar në Ministrinë e Arsimit, Sportit dhe Rinisë, ju paraqes dorëheqjen time të parevokueshme nga posti i zëvendës ministrit të Arsimit, Sportit dhe Rinisë.

Dy javë më parë, Muka u emërua në këtë post nga Kryeministri Rama, pas denoncimit që ai bërë për plagjiaturën e ish-zv/ministrit Ervin Demo.

Në shkresën zyrtare Muka shkruan se “Për arsye etike, morale dhe profesionale, dhe të papajtueshmërisë që unë kam në modelin e punës të aplikuar në Ministrinë e Arsimit”, ai ka zgjedhur që të largohet.

Ndërkohë një ditë më parë në profilin e tij të Facebook, ai kishte postuar një status ku tregonte se cili ishte projekti i tij i radhës si zv/ministër.

“Bashkë me çunat e Ministrisë do bëjmë rankimin e akademikëve shqiptarë sipas produktit shkencor për të evidentuar shkencëtarët shqiptarë qe jetojnë në Shqipëri. Çuna suksese me përdorimin e “R Programming”! Shumë punë ju pret përpara!
#shkencashqiptare #arsimcilesor”, shkruante ai.