Leje për të pastruar pyllin, firma “zhduk” pishat në Rrogozhinë

Prerja e pyjeve dhe tkurrja e hapësirave të gjelbra në Shqipëri është një fenomen që vijon prej vitesh dhe askush nuk duket se ka në plan ta ndalë këtë masakër natyrore.

Rasti i fundit vjen nga Mushniku i Rrogozhinës, ku banorët e zonës kanë njoftuar mediat se ka më shumë se ka një muaj që pyjet priten pa kriter.

Sipas TCH, firma që ka kontratë me Bashkinë thotë se po i përmbahet asaj duke pastruar vetëm drunjte që ka rrëzuar erozioni, moti i keq apo zjarret. Megjithatë një vëzhgim në terren tregon se pemët e prera nuk janë vetëm ato të dëmtuara.

Tenderi ia akorduar nga bashkia e Rrogozhines vlen 300.000 mijë lek ndërsa firma përfiton dhe paratë e shitjes së druve që pastron nga pylli.

Të kontaktuar në telefon mbi bazën e këtyre fakteve përfaqësues të bashkisë Rrogozhinë nuk japin sqarime. Inxhinieri i pyjeve në bashkinë Rrogozhinë, Artur Kaja, thotë vetëm se bashkia ka një urdhër nga Ministria e Mjedisit dhe kjo leje mban datën 29.12.2017, por nuk jep shpjegime nëse do të verifikohet pemët që duket se janë prerë në shkelje të kontratës.